Informashon di Wikipedia.

• 
  Un volkan ta un buraku ku a surgi den kapa di mundu kaminda k'e magma (elementonan kayente) ku ta bin foi interior di globo, ora e sali riba tera ta yamé lava. Volkan ta un struktura geológiko mayoria di volkannan riba mundu tin forma di un kono, ta depende dje elementonan ku ta mesklá den magma (piedra, metal, zwavel, silika, gas, chloor, kayente ku temperatura di mas o menos 700 te 1200 grado den interior di globo.) Globo no ta masif, e ta konsistí di e parti pafó e kapa eksterno, parti paden e mantel superior, mantel interno, núkleo eksterno i núkleo interno. Den núkleo interno y eksterno tur materialnan ta likido komo e temperatura ta demasiado altu. Den mantel interno y mantel superior e magma ta meskla ku piedra, metal, gas y otro elementonan likido. E kapanan kontinental y oseániko ta e parti pafó kapa eksterno (aardkorst) i e parti paden e kapa interno duru riba e mantel superior, esei nan ta yama lithosfer. E lithosfer (kapanan di globo) ta konsistí di diferente plachinan tektóniko ku ta drif riba elementonan likido dje mantel superior. Tin dje plachinan tektóniko ta 75 km y tin ku 10 km diki y nan ta move riba e mantel superior manera un pont-brug riba awa. Riba e otro planetanan Venus, Mars i tambe e lunanan Lo di Jupiter i Triton di Neptunus den sistema planetario of sistema solar tin volkan. Volkanologia ta e estudio di volkan, lava, magma y tur otro fenómenonan geológiko relashoná, e término volkanologia ta bin dje palabra latin vulcãcus ku ta nifiká Dios romano di kandela.