Informashon di Wikipedia.

• E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu. Tumba ta un estilo di músika i baile tipiko antiano ku ta wòrdu toká na Aruba, Boneiru i Kòrsou. Tumba por wòrdu konsiderá komo e músika mas original di e islanan ABC. Sinembargo e orígen di tumba ta klaramente afrikano. E nòmber tumba ta originá di kultura Bantu na (Kongo), Afrika. Awendia, prinsipalmente na Kòrsou i Boneiru, tumba ta hopi popular den temporada di Karnaval i ta e músika di Karnaval. Na tur e tres islanan ABC tin un festival grandi di tumba den temporada di karnaval. Tumba y tambú tin probalmente e mes un orígen. Tantu tumba komo tambú ta wòrdu skibí den 2/4 maat. Antes tabata komponé hopi tumba instrumental. Por menshoná tumbanan di ántes manera: Gerry Palm, Rudolf Palm y Janchi Boskaljon na Kòrsou i mas resien na Aruba Rufo Wever y Padu Lampe. Di e tempu modèrno Anselmus "Boy" Dap ta wòrdu konsiderá komo e "Tata di Tumba". Otro kompositornan grandi di tumba di e époka modèrno ta entre otro Rignald Recordino (Doble R).