triangel - Banko di Palabra

triangel (sustantivo)

Triangel ta un instrumento di perkushon ku ta wòrdu traha di un pida heru i ku ta wòrdu doblá den forma di un triángulo. Su grandura ta varia entre 20 i 30 centimeter. Na e punta ariba di e triangel tin un wowo kaminda e tokadó ta tene e instrumento. Na un otro punta di e triangel tin un pida habrí. E tokadó ta usa un stòki di heru i ta dal esaki na rant di e triangel pa forma zonido. E instrumento ta di orígen oropeo i ta data for di siglo 14. Den Edad Media e tabata wòrdu usa pa selebrashonnan religioso unda su forma tabata simbolikamente representa e santa trinidat. Desde fin di siglo 18 e triangel ta e instrumento di perkushon mas importante den músika klásiko. Danki na su timbre kristalino i altu e instrumento ta distinguibel den un orkesta sinfóniko i den kual su ritmo ta fungi komo struktura.

Fuente: Wikipedia na Papiamentu

Glosbe ta un dikshonario internashonal, klek riba e siguiente konekshon: triangel

Pa mira e palabra aki usá den konteksto den e biblioteka digital (por ehèmpel den buki i artíkulo), klek riba e siguiente konekshon: triangel