Informashon di Wikipedia.

• 
  E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu. Teatro (derivá di griego: θέατρον, théatron of lugá pa mira) ta un nòmber general pa formanan di arte den kual aktornan ta hasi presentashonnan en bibo dilanti un publiko, mas tantu riba un tarima. Aki e aktornan ta komuniká ku públiko mediante gestikulashon, bos, kanto, músika i baile. Ora di presenta teatro riba tarima ta papia di un piesa of obra teatral. Obranan teatral, produsí pa outornan di teatro, ta e género literario di teatro. E promé hendenan konosí ku a krea obranan teatral tabata e griegonan antiguo, alrededor di aña 500 promé ku Kristu. For di e tempu ei tabata dividi e obranan den dos tipo: tragedia i komedia. Teatro a keda introdusí na Antias Hulandes na 1871 ku e apertura di e promé sentro kultural na Pietermaai, yamá Teatro Naar. Na Papiamentu e palabra "teatro" ta wòrdu usa den varios konteksto; banda di arte teatral e por referi na e lugá unda ta pasa pelíkula (sinema) òf e lugá unda obra teatral bibo ta wòrdu presentá (kas di kultura of sentro kultural). Desde 1961 ta selebra anualmente Dia Mundial di Teatro riba dia 27 di mart. E selebrashon aki a wòrdu inisiá pa e Instituto Internashonal di Teatro i ta wòrdu opservá tambe na e islanan di Aruba i Kòrsou.