Informashon di Wikipedia.

• 
  Soledad ta un reaccion emocional desagradabel y comun causa pa isolacion percibi. Tambe describi como dolor social, un mechanismo psicologico cu ta motiva individuonan pa busca conexion social. E ta wordo asocia normalmente cu un sentido di desconexion y un falta di intimidad. Soledad ta diferente for di isolacion social. No ta tur hende cu ta nan so ta sinti soledad, hende por asta sinti soledad ora nan ta rond di otro hende. Tin varios motibo cu ta causa soledad. E por ta influencia pa genetica, cultura, perdida di un hende importante, of falta di relacionnan significante. Tambe, pasa mucho tempo riba internet (p.e., media social) of otro actividadnan pasivo tambe por yega na soledad. Tin biaha, hende ta sinti nan mes solitario pa motibo di pensamento negativo cu ta bira un custumber. E impacto di soledad ta depende di su duracion: Soledad transitorio (un estado temporal) por tin efectonan positivo, manera provoca mas aprecio pa relacionan existente. Soledad cronico, sinembargo, ta asocia cu varios resultado negativo. Soledad prolonga ta corela cu riesgonan aumenta di obesidad, trastornonan di uso di substancia, depresion, malesa cardiovascular, presion halto y colesterol halto. E ta aumenta tambe e riesgo di morto y pensamento di suicidio.