Informashon di Wikipedia.

• 
  Den biologia, e sistema nervioso ta e parti sumamente kompleho di animal cu ta coordina accion y procesa informacion sensorial door di transmiti señalnan entre diferente parti di e curpa. E ta detecta kambionan ambiental cu ta afecta e organismo y ta traha hunto cu e sistema endocrino pa responde na e cambionan aki. Den vertebrata, e sistema nervioso ta dividi principalmente den dos sekshon: Sistema Nervioso Central (SNC): E SNC ta consisti di e celebro y e medula spinal. Sistema Nervioso Periferico (SNP): E SNP ta consisti principalmente di nervio, un bonder di axon cu ta conecta SNC na e resto di e curpa. Nervio cu ta transmiti señal for di e celebro pa e curpa ta yama nervio motorico (efferent), mientras cu esnan cu ta hiba informacion for di e curpa pe e SNC ta nervio sensorial (afferent). E SNP ta wordo dividi mas aleu den e sistema nervioso somatico y autonomo. E sistema nervioso somatico ta controla movecion boluntario. E sistema nervioso autonomo ta regula funcion imboluntario, manera frecuencia di curason y digestion. E sistema nervioso autonomo ta subdividi den tres sistema: E sistema simpatico ta mobilisa energia den emergencia, esaki ta activa por ehempel e "bringa of huy" (fight or flight) respons, mientras e sistema parasimpatico ta activa durante sosiego y relahacion, y e sistema enterico ta regula e sistema digestivo Nervio cu ta sali for di e celebro ta yama nervio craneo, mientras cu esnan cu ta salo for di e medula spinal; ta yama nervio spinal. Na nivel celular e sistema nervioso ta wordo defini pa e presencia di neuronnan, celnan specialisa cu ta transmiti señal rapido y precies. Ademas di neuronnan, e sistema nervioso ta contene celnan glia cu ta provee sosten structural y metabolico. Hopi componente di e sistema nervioso, hunto cu e cu e adernan, ta forma e unidad neurovascular cu ta regula e fluho di sanger celebral pa cumpli cu e demandanan halto di energia di neuronnan activo. Mayoria di animal multicelular ta posee un sistema nervioso, aunke su complexidad ta varia grandemente. Spons, placozoa, y mesozoa cu tin structura di curpa simpel, no tin ningun sistema nervioso. Animalnan radial simetrico, manera ctenophora y cnidaria (coral y kwal) ta posee un red nervioso difuso. Tur animal, cu excepcion di algun bichi, tin un sistema nervioso cu un celebro, un medulla spinal central, y rama di nervionan. E tamaño di e sistema nervioso ta varia di djis algun shen cel cerca un bichi simpel te na mas o menos 300 biyon cel den olifanti africano. E SNC ta coordina comunicacion entre cel y diferente parti di e curpa. Mal funcionamento di e sistema nervioso por resulta for di defectonan genetico, trauma fisico, veneno, infeccion, of biehes. Neurologia ta specialidad medico cu ta atende cu trastorno di e sistema nervioso y nan tratamento. Den e SNP, problemanan comun ta inclui conduccion di nervio reduci, hopi biaha causa pa neuropatia diabetico of malesanan desmielinizante, manera multiple sclerosis. Neurociencia ta e disciplina cientifico dedica na studia e sistema nervioso.