Informashon di Wikipedia.

• 
  Un museo ta un institushon aksesibel pa públiko, na servisio na e komunidat i su desaroyo i normalmente sin e meta di hasi ganashi, ku e funshon pa kolektá, konservá, investigá, ekshibí i duna informashon di e patrimonio material i inmaterial di e ser humano i su serkania na benefisio di estudio, edukashon i rekreashon. En komparashon ku un biblioteka un museo ta alohá ophetonan riba un skala mas grandi i komunmente ta enfoká riba un tema spesífiko manera arte, siensia, historia natural, historia lokal i otro temanan. Den époka di Renasementu e término "museo" a surgi, espesialmente na Italia, unda tabata yama asina e galerianan unda artefaktonan di arte tabata wòrdu tresé huntu. Museonan públiko, ku ta ofrese eksposishon i demonstrashonnan interaktivo, ta wòrdu usualmente konsiderá komo atrakshon turístiko, atrayendo un gran kantidat di bishitante di pafor di e pais. E dies museo mas bishita na mundu ta: El Louvre - Paris Museo Nashonal di China - Bejing Museo Nashonal di Historia Natural di Merka - Washington D.C. Museo Nashonal di Aire i Espasio di Merka - Washington D.C. British Museum - London Museo Metropolitano di Arte - New York Museo Vatikano - Siudad Vatikano Museo di Siensia i Teknologia di Shanghai - Shanghai Galeria Nashonal - London Museo Nashonal di e Palasio - Taipei