Informashon di Wikipedia.

• Monoteismo (prosedente di griego μόνος i θεός) ta e kreensia den e eksistensia di un solo dios, ku ta distinguí su mes for di politeismo, e kreensia den mas ku un dios, òf ateismo, e falta di kreensia den un of mas dios. Ta kalifiká komo religionnan monoteístiko e religionnan mundial di Hudaismo, Kristianismo i Islam. E konosementu mas trempan di monoteismo ta bini for di e region di Akhenaton na Egipto den e siglo dieskuater promé ku Kristu. Monoteismo ta un karakterístika di e religionnan Abrahámiko (Hudaismo, Kristianismo i Islam), pero tambe ta presente den filosofianan di neoplatonismo, den e Advaita, Dvaita i Vishishtadvaita di Hinduismo i Sikismo anto e no ta fasil pa deliniá noshonnan manera panteismo i monismo. Monoteismo ta e idea ku tin solamente un Dios separá for di e kreashon, ounke e ta omnisiente. Panteismo na otro banda ta bisa ku henter e mundu ta Dios. "Wahdatul wujood" ta un término usá dor di filósofonan islámiko pa kritisá e konsepto di panteismo i monismo komo heresía, pasobra nan ta kere ku, Allah, e kreador no por wòrdu bruá ku su kreashon.