Informashon di Wikipedia.

• 
  Materialismo ta un punto di bista filosofico cu ta afirma cu tur cos ta traha di materia y cu fundamentalmente tur fenomeno ta resultado di interaccionnan material, incluyendo mente y consciencia. E ta referí na e doctrina cu no tin otro sustancia cu materia, cu ta un punto di bista monista. E termino a surgi den e di dos mitar di siglo 17 pa describi filosofía cu ta desmenti e existencia di substancianan mental ("alma" o "spirito") y ta reconoce solamente e existencia di substancianan fisico. Puntonan di bista filosofico contrario na materialismo ta wordo representa pa cierto formanan di pluralismo filosofico, dualismo, spiritualismo y idealismo. Dualismo ta permiti e existencia di dos diferente substancia: mente y materia. Materialismo tambe ta distingui su mes for di spiritualismo, pa cua spirito ta e sustancia di tur realidad. Finalmente e ta distingui su mes for di idealismo, pa cua loke ta spiritual tin un realidad. Algun filosofo Ingles asocia cu materialismo ta Francis Bacon, Thomas Hobbes y John Locke.