Informashon di Wikipedia.

• Materia ta un termino colectivo pa cualkier substancia of stof den universo cu tin masa y ta ocupa luga (espacio). Un luga den cua no tin materia ta wordo yama 'vacuo' den ciencia. Materia ta den forma solido, of likido, visualmente perceptible. Den fisica, un curpa ta forma pa un cantidad defini di materia. Den bida diario un cantidad definí di materia sólido ta wordo yama un obheto. E palabra "materia" ta bini di e palabra latin materia, cu na su turno ta bini for di mater, "mamá". "Material" ta e adhetivo deriva y como sustantivo "material" ta materia cu tin un funshon specifico. Curpanan fisico den universo ta e galactica, strea y planeta, baranca, awa y aire. Organismo bibo manera mata, bestia y hende tambe ta forma pa materia. Un particula ta un curpa fisico di tamaño microscopico. Materia ordinario ta consistí di partíkulanan chikitu yama atoom. E atoomnan tin espacio entre nan y nan ta move of vibra constantemente. E partíkulanan ta move mas liher y mas leu for di otro ora nan keinta, y despues ora nan fria lo contrario ta tuma luga. E movemento filosofico cu ta considera realidad como algo cu ta consisti principalmente of exclusivamente di materia ta wordo yama materialismo.