Un idioma ta un set dinamico di simbolo di comunicacion sea visual, auditorio of di tacto, conhunto cu e elementonan cu ta manipula nan. Idioma tambe por referi na e uzo di tal sistemanan como un fenomeno general. Idioma ta wordo considera pa ta un modo di comunicacion exclusivamente humano; aunke animal tambe ta haci uzo di sistemanan comunicativo basta sofistica, ningun di e modonan aki ta conoci pa haci uzo di tur e caracteristicanan cu e linguistanan ta uza pa defini un idioma. Idioma humano tin sintaxis, un set di regla pa konektá palabranan na otro pa haci declaracion y preguntanan. Por cambia idioma tambe, door di agrega palabranan nobo, por ehempel, pa describi cosnan nobo. Idioma por tuma luga door di papia of door di skirbi of door di move e mannan pa haci seña. Pues idioma no ta djis cualke manera di comunica; tin hasta algun forma di comunicacion humano cu no ta idioma, manera comunicacion no-verbal. Hende tambe ta uza idioma pa pensa. E cantidad di idioma papia na mundo ta varia entre 5.000 y 7.000. Calculacion exacto ta depende di un distincion arbitrario (dichotomia) establece entre idioma y dialecto. Idiomanan natural ta papia, haci seña, of tur dos; sinembargo, cualke idioma por wordo codifica den medionan secundario usando estimulo auditivo, visual of di tacto – por ehempel, skirbimento, fluitmento, firmamento of braille. Cu otro palabra, idioma humano ta independiente di modalidad, pero idioma skirbi of di seña ta e manera pa inscribi of codifica e lenga of gestonan humano natural. E estudio di idioma ta wordo yama linguistica.

Un idioma ta un set dinamico di simbolo di comunicacion sea visual, auditorio of di tacto, conhunto cu e elementonan cu ta manipula nan. Idioma tambe por referi na e uzo di tal sistemanan como un fenomeno general. Idioma ta wordo considera pa ta un modo di comunicacion exclusivamente humano; aunke animal tambe ta haci uzo di sistemanan comunicativo basta sofistica, ningun di e modonan aki ta conoci pa haci uzo di tur e caracteristicanan cu e linguistanan ta uza pa defini un idioma. Idioma humano tin sintaxis, un set di regla pa konektá palabranan na otro pa haci declaracion y preguntanan. Por cambia idioma tambe, door di agrega palabranan nobo, por ehempel, pa describi cosnan nobo. Idioma por tuma luga door di papia of door di skirbi of door di move e mannan pa haci seña. Pues idioma no ta djis cualke manera di comunica; tin hasta algun forma di comunicacion humano cu no ta idioma, manera comunicacion no-verbal. Hende tambe ta uza idioma pa pensa. E cantidad di idioma papia na mundo ta varia entre 5.000 y 7.000. Calculacion exacto ta depende di un distincion arbitrario (dichotomia) establece entre idioma y dialecto. Idiomanan natural ta papia, haci seña, of tur dos; sinembargo, cualke idioma por wordo codifica den medionan secundario usando estimulo auditivo, visual of di tacto – por ehempel, skirbimento, fluitmento, firmamento of braille. Cu otro palabra, idioma humano ta independiente di modalidad, pero idioma skirbi of di seña ta e manera pa inscribi of codifica e lenga of gestonan humano natural. E estudio di idioma ta wordo yama linguistica.