Informashon di Wikipedia.

• 
  Feminismo ta e coleccion di tendencia o movemento social y politico, incluso e movemento di hende muhe, cu ta tuma un posicion critico pa cu e desbalansa di poder entre homber y muhe y cu ta busca emancipacion. Ta trata aki di emancipacion den sentido amplio, riba tereno economico, politico, social y personal. Den otro palabra, feminismo ta e lucha pa pone un fin na opresion sexista. Feminismo ta defende interes di hende muhe, ta busca pa elimina e trato desigual entre homber y muhe, ta haci esfuerso pa autonomia fisico di hende muhe y ta lucha contra violencia domestico y sexual. Dentro di feminismo ta existi hopi diferente movemento. E historia di e movemento feminista por wordo clasifica den diferente periodo. E periodo tempran ta conoci como proto-feminismo, sigui pa un cantidad di ola feminista: periodonan den cua e emancipacion di hende muhe a ser persigui activamente cu diferente metodo y metanan (por ehempel: derecho di voto y independencia financiero). E resultadonan logra a cambia diferente sociedad profundamente.