Informashon di Wikipedia.

• 
  Etnografia ta un metodo di etnologia y antropologia cultural pa mapa origen etnico. E ta un tipo di investigacion social cu ta encera cu ta samina e comportacion di e participantenan den un dado situacion social y cu ta capta e propio interpretacion di e miembronan di e grupo aki referente nan comportacion. Den sociolinguistica e palabra ta indica un metodo sistematico pa distingui diferente grupo di poblashon a base di e estudio di actitudnan lokal, y no menos actitudnan linguistico. Den e caso di tribunan poco conoci, investigacion etnográfiko den practica ta logra na establece liña di separacion entre diferente comunidadnan: ta studia idioma, ta registra variacion den idioma lokal y dialectonan, y asina por describi e diferente pueblo. Tambe dentro di e mesun tribu, investigacion sociolinguistico por revela e cultura, relacionnan herarkico y creencianan spiritual di su grupo y clasenan. Den un contexto mas general, etnografia por wordo aplica na e escala general di fenomeno cultural relaciona cu un pueblo: e pregunta kiko ta un pueblo? ta sumamente relevante pa e disciplina aki. Identificacion di grupo y conexionnan racial ta sirbi consequentemente como prueba di e idea cu esaki ta un pueblo; e estudio no mester keda limita na pueblonan 'exotico': tambe den civilacionnan occidental 'civilisa' tin un conciencia colectivo, cu ta haci hende considera nan mes como un pueblo. E liña di division entre sociolinguistica puro y etnografia no ta semper mes cla: en general por bisa cu etnografia, aunke hopi biaha basa riba sociolinguistica, ta un ramo antropologico mas general di e cientificonan social. Sinembargo, investigacion sociolinguistico ta un forma di etnografia, y viceversa.