Informashon di Wikipedia.

• 
  Biologia ta un siensia natural ku ta dirigí riba e estudio di bida i organismonan bibu, inkluyendo nan struktura, funshon, kresementu, orígen, evolushon, distribushon, i taksonomia. Biologia ta un tema hopi grandi ku ta kontené varios supdivishon, tópiko i disiplinanan. Entre un di e tópikonan mas importante ta e sinku prinsipio unifikante ku por wòrdu bisá ku ta e kreensia fundamental di biologia moderno. teoria di sèl: sèlnan ta e blokinan básiko di bida. evolushon: espesie nobo i apariensianan similar ta produkto di evolushon. gen: gennan ta e elementonan básiko di herensia. homeostasis: un organismo ta kontrolá su ambiente interno pa mantene su kondishon konstante. energia: organismo ta konsumí i transformá energia. Supdisiplina di biologia ta rekonosé a base di e eskala ku organismonan ta studia i e métodonan ku ta wòrdu usá pa studia nan: biokímika ta saminá e kímika di bida; biologia molekular ta studia e interakshonnan kompleho di sistemanan den molekulnan di biologia.