Den Hulanda, un Antiano ta e habitante prosedente di e parti karibense di Reino Hulandes i su desendientenan. E palabra ta derivá di Antias, e vershon simplifiká di Antias Hulandes. Spesifikamente ta trata di e habitantenan di e islanan ABC: Aruba, Boneiru i Kòrsou, i di Islariba: Saba, Sint Maarten i Sint Eustatius. E islanan aki tin mas ku 350.000 habitante huntu. Ademas, na 2021 ta mas ku 170.000 antiano ku ta biba na Hulanda. Despues di e disolushon di Antias Hulandes na 2010 ta usa e término Karibe Hulandes of parti karibense di Reino Hulandes komo nòmber kolektivo pa indiká e teritorio di eks-Antias Hulandes i Aruba. Antianonan, komo siudadanonan di Reino Hulandes, tin nashonalidat hulandes. Nan tin e tendensia di reservá e palabra hulandes pa un persona ku a nase na Hulanda. E hulandesnan aki ta ser konsiderá komo un klase apart, marká dor di idioma, edukashon i manera di pensa sosial-kultural. Na e islanan ABC nan ta ser yamá tambe makamba. Den Karibe Hulandes un antiano ta konsiderá un término mas bien general. Usualmente ta referí na e habitantenan prosedente di e parti karibense di Reino Hulandes i nan desendientenan segun nan isla di origen: Aruba - arubiano òf rubiano Kòrsou - yu di Kòrsou òf kurasoleño Boneiru - boneriano Saba - sabano Sint Maarten - di Sint Maarten Sint Eustatius - di Statia

Den Hulanda, un Antiano ta e habitante prosedente di e parti karibense di Reino Hulandes i su desendientenan. E palabra ta derivá di Antias, e vershon simplifiká di Antias Hulandes. Spesifikamente ta trata di e habitantenan di e islanan ABC: Aruba, Boneiru i Kòrsou, i di Islariba: Saba, Sint Maarten i Sint Eustatius. E islanan aki tin mas ku 350.000 habitante huntu. Ademas, na 2021 ta mas ku 170.000 antiano ku ta biba na Hulanda. Despues di e disolushon di Antias Hulandes na 2010 ta usa e término Karibe Hulandes of parti karibense di Reino Hulandes komo nòmber kolektivo pa indiká e teritorio di eks-Antias Hulandes i Aruba. Antianonan, komo siudadanonan di Reino Hulandes, tin nashonalidat hulandes. Nan tin e tendensia di reservá e palabra hulandes pa un persona ku a nase na Hulanda. E hulandesnan aki ta ser konsiderá komo un klase apart, marká dor di idioma, edukashon i manera di pensa sosial-kultural. Na e islanan ABC nan ta ser yamá tambe makamba. Den Karibe Hulandes un antiano ta konsiderá un término mas bien general. Usualmente ta referí na e habitantenan prosedente di e parti karibense di Reino Hulandes i nan desendientenan segun nan isla di origen: Aruba - arubiano òf rubiano Kòrsou - yu di Kòrsou òf kurasoleño Boneiru - boneriano Saba - sabano Sint Maarten - di Sint Maarten Sint Eustatius - di Statia