Informashon di Wikipedia.

• 
  E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu. Oropa ta, tradishonalmente, konsidera un di e shete kontinente di mundu. Komprimiendo e peninsula parti west di Eurasia , Oropa ta generalmente dividi for di Asia na parti ost dor di e divishon di awa na e Serunan di Ural, e Riu di Ural, e Laman Kaspiko, e region di Caucasus anto e Laman Pretu na parti ost. Oropa ta grens ku e Oceano Arktiko anto varios otro lamanan na parti nort, e Oséano Atlántiko na parti west, e Laman Mediteráneo na parti suit, anto e Laman Pretu i su kamindanan di awa konekta na parti siut-ost. Toch e grensnan di Oropa -un konsepto datando bèk hopi siglo te ku antiguedat klasiko- ta hopi suphetivo i arbitrario pasobra e por referi na Oropa geografiko komo kultural. Oropa ta e kontinente di dos mas chikitu segun superfisie, kubriendo mas o menos 10,180,000 kilometer kuadrá of 2% di e superfisie total di mundu i mas o menos 6.8% di su área di tera. Di Oropa su aproksimadamente 50 paisnan Rusia ta esun di mas grandi (aunke e tin teritorio den Asia komo Oropa), anto e Siudad Vatikano ta esun mas chikitu. Oropa ta e kontinente di tres mas poblá despues di Asia i Afrika, ku un poblashon di 731 mion hende, of mas o menos 11% di e poblashon total di mundu. Oropa, mas spesifiko Gresia Antiguo, ta e nasementu di e kultura west. E la hunga un rol predominante den mundu global for di e siglo 16 bai ariba, espesialmente despues di e komienso di kolonialismo. Entre e siglonan 16 i 20, Nashonnan Oropeo tabata kontrolá na varios tempu e kontinente merikano, mayoria di Afrika, Oseania, i porshonnan grandi di Asia. Tur dos guera mundial tabata na gran parti di fokus riba Oropa, kontribuyendo na un gran parti di e bahada di dominansia di west-oropa den e sena mundial durante e parti mei-mei di e siglo 20 ora Estadonan Uni i Union Sovietiko a tuma e rol ei. Durante e Guera Friu, Oropa a keda dividi dor di e Kortina di Heru entre e NATO den e west anto e Warsaw Pact na parti ost. Integrashon oropeo a forma e konsulado di Oropa i e Union Oropeo den west oropa, ku despues di e kaida di e union sovietiko na 1991 a ekspande na parti ost.