Hulanda - Banko di Palabra

Hulanda (sustantivo)

Hulanda (òf Ulanda) ta un país den Oropa ku ta limitá pa e Laman Nort den nort i wèst di e país, Bélgika den zùit, i Alemania den ost. Hulanda, Kòrsou, Sint Maarten i Aruba huntu ta forma e Reino Hulandes (Koninkrijk der Nederlanden na hulandes). Hulanda ta un monarkia konstitushonal. Su fronteranan aktual tabata formá na aña 1839. Hulanda ta un di e paísnan ku densidat di poblashon mas grandi na mundu. E ta konosí pa su mulinanan, sapatu di palu, damnan, tùlpnan i baiskelnan. Su leinan liberal ta haña hopi atenshon internashonal, manera esnan tokante droga, homoseksualidat, prostitushon i eutanasia. E Korte Internashonal di Hustisia i e Korte Penal Internashonal ta situá na Den Haag.

Fuente: Wikipedia na Papiamentu

Glosbe ta un dikshonario internashonal, klek riba e siguiente konekshon: Hulanda

Pa mira e palabra aki usá den konteksto den e biblioteka digital (por ehèmpel den buki i artíkulo), klek riba e siguiente konekshon: Hulanda