Informashon di Wikipedia.

• 
  E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu. Tambú ta un instrumento, pero tambe un género di músika, kanto i baile tipiko di prinsipalmente Kòrsou pero ku ta wòrdu toka tambe, aunke menos, na Aruba i Boneiru. E músika di tambú ta ser toká i skucha prinsipalmente fin di aña. Un di e gruponan di tambú di mas konosí na Kòrsòu ta Zojojo i su grupo. Katibunan prosediente di Kòrsou a hiba e músika di tambú Boneiru, Aruba, Coro (Venezuela) i Puerto Rico. Tambú su komienso tabata na momentu ku antes ku e katibunan tabata ke ekspresa nan mal kontentu, di e mal trato ku nan ta haña serka e shon nan tabata hasi esaki den e forma aki. Di kual ku awendia bo ta mira ku e influensia tei ainda debi ku na Kòrsou ora nan ta toka esaki si bo tende e letranan nan ta ekspresa nan mal kontentu di e aña ku ta kabando i asina aki na un manera sano nan ta saka tur nan pensamentu nan. I tambe awendia e músika di tambú ta wòrdu toka tambe na un forma poko modifika i ku algun otro instrumento na Boneiru, Aruba, i Coro. Den tambú na Aruba ta distingui tres ritmo prinsipal: e siya, e biento i e punda.Probablemente e úniko grupo di tambú awendia na Aruba ta Sodo y Cuero di e bario di Brasil. E músika di dande ku ta wòrdu toka na Aruba fin di aña tambe ta famia direkto di tambu. Na Puerto Rico e músika a evolua den loke awendia ta konosi komo bomba hulandes. E músika di tumba ku ta konosi na Aruba, Boneiru i Kòrsou ta relata na e músika di Kòrsou tambú. Na Kòrsou ta hasi distinshon entre tambú weis largu i tambú telelele. Na 2012 e fotografo Catrien Ariëns di Amsterdam a traha un dokumentario tokante tambú, titulá Nochi no ke laga mi bai. E ta mustra kon importante su forma di kanto i baile ta, di unda e ta bini i kon kontentu e yu di Korsou ta bira di esaki.