Informashon di Wikipedia.

• 
  Un frishidèr ta un aparato doméstiko òf komersial pa tene kuminda fresku. E ta konsistí di un kompartimentu isolá i un sistema ku ta transferí kalor for di paden pa su eksterior. Esaki ta tene temperatura paden di frishidèr mas abou ku temperatura ambiental di kamber. Frialdat ta un método esensial pa ku almasenamentu di kuminda. Temperaturanan abou ta reprimí kresementu di bakteria, i redusi asina dañamentu di kuminda. Un frishidèr mas tantu ta warda kuminda na un temperatura djis ariba di e punto di fris di awa. E temperatura rekomendá pa warda kuminda ku ta putri ta entre 3 i 5°C. Un frizer ta un frishidèr spesialisá, òf un kompartimentu den dje, ku ta warda kuminda na temperaturanan bou di sero. E promé métodonan di fria kuminda tabata dependé di eis natural. Frialdat artifisial a wòrdu desaroyá meimei di siglo diesocho i a mehorá na kuminsamentu di siglo diesnuebe. Na 1834, e promé sistema di frishidèr komo damp kòmprèser ku tabata funshoná a wòrdu konstruí ta usa teknologia similar na esun di èrko moderno. E promé mashin di eiss komersial a wòrdu inventá na 1854. Frishidèrnan doméstiko a wòrdu inventá na 1913. Na 1923, Frigidaire a introdusí e promé unidat outonomo. E introdukshon di Freon den añanan 1920 a ekspandé e merkado di frishidèr den añanan 1930. Kompartimentu di frizer separá a bira komun rònt di 1940.