Un bárbaro ta un persona òf tribu di hende ku ta wòrdu persibí komo primitivo, salbahe i guerero. Hopi kultura a referí na otro kulturanan komo bárbaro, dor di sea malkomprondementu òf perhuisio. Un "bárbaro" tambe por ta un referensia individual na un persona agresivo, brutal, kruel i insensible, partikularmente un ku tambe ta bobo, mientras ku e kultura, kustumber i práktikanan adoptá pa pueblo i paisnan persibí komo primitivo por wòrdu denominá "bárbaro". E término ta originá for di e palabra griego antiguo βάρβαρος (barbaros; pl. βάρβαροι barbaroi). Den Gresia Antiguo, e griegonan tabata usa e término no solamente pa esnan ku no tabata papia griego ni tabata sigui e kustumbernan griego klásiko, pero tambe pa e poblashonnan griego ku dialektonan pekuliar na rand di e mundu griego. Na Roma antiguo, e romanonan a adaptá i apliká e término na gruponan no-romano manera e germanonan, seltanonan, iberonan, helvetikonan, trasianonan, ilirianonan i sarmatanan. Den e periodo moderno tempran i tin biaha despues, e griegonan bizantino tabata usa e término pa e turkonan di un manera klaramente peyorativo. E palabra griego tambe a ser prestá na e idioma árabe, bou di e forma بربر (barbar), i a ser usá pa e invasornan árabe komo un nòmber no-nativo pa referí na e pueblonan indígena di nort di Afrika, konosí komo Amazigh òf Berber, e último aki siendo derivá di e palabra "bárbaro". Histórikamente, e término bárbaro a haña un uso generalisá den ingles. Hopi pueblo a deskartá kulturanan straño i asta sivilisashonnan rival, pasobra nan tabata irekonosiblemente straño. Por ehèmpel, e pueblonan nomada turko panort di Laman Pretu, inkluyendo e pueblonan "Pechenegos" i "Kipchak", a ser yamá bárbaro pa e bizantinonan.

Un bárbaro ta un persona òf tribu di hende ku ta wòrdu persibí komo primitivo, salbahe i guerero. Hopi kultura a referí na otro kulturanan komo bárbaro, dor di sea malkomprondementu òf perhuisio. Un "bárbaro" tambe por ta un referensia individual na un persona agresivo, brutal, kruel i insensible, partikularmente un ku tambe ta bobo, mientras ku e kultura, kustumber i práktikanan adoptá pa pueblo i paisnan persibí komo primitivo por wòrdu denominá "bárbaro". E término ta originá for di e palabra griego antiguo βάρβαρος (barbaros; pl. βάρβαροι barbaroi). Den Gresia Antiguo, e griegonan tabata usa e término no solamente pa esnan ku no tabata papia griego ni tabata sigui e kustumbernan griego klásiko, pero tambe pa e poblashonnan griego ku dialektonan pekuliar na rand di e mundu griego. Na Roma antiguo, e romanonan a adaptá i apliká e término na gruponan no-romano manera e germanonan, seltanonan, iberonan, helvetikonan, trasianonan, ilirianonan i sarmatanan. Den e periodo moderno tempran i tin biaha despues, e griegonan bizantino tabata usa e término pa e turkonan di un manera klaramente peyorativo. E palabra griego tambe a ser prestá na e idioma árabe, bou di e forma بربر (barbar), i a ser usá pa e invasornan árabe komo un nòmber no-nativo pa referí na e pueblonan indígena di nort di Afrika, konosí komo Amazigh òf Berber, e último aki siendo derivá di e palabra "bárbaro". Histórikamente, e término bárbaro a haña un uso generalisá den ingles. Hopi pueblo a deskartá kulturanan straño i asta sivilisashonnan rival, pasobra nan tabata irekonosiblemente straño. Por ehèmpel, e pueblonan nomada turko panort di Laman Pretu, inkluyendo e pueblonan "Pechenegos" i "Kipchak", a ser yamá bárbaro pa e bizantinonan.