Informashon di Wikipedia.

• 
  Latinoamérika ta referí na un region kultural di Amérika, kaminda idiomanan romániko ta wòrdu papia predominantemente, prinsipalmente spaño i portugues, i den un grado ménos, franses i su idiomanan krioyo (p.e. haitiano), i dialektonan italiano. No tin un lista di inklushon presis òf ofisial. Latinoamérika ta wòrdu definí segun identidat kultural, no geografia, i komo tal e ta inkluí paisnan den tantu Nort Amérika komo Sur Amérika. Mayoria pais pasùit di Merka tin e tendensia di ta inkluí, pues México i e paisnan di Amérika Sentral, Sur Amérika i Karibe. Apesar di ta den e mesun region geográfiko, paisnan di abla ingles i hulandes tin biaha ta wòrdu ekskluí (Sürnam, Guyana, Islanan Falkland, Jamaica, Trinidad i Tobago, Belize, etc.). Den un sentido mas limitá, hopi biaha e ta referí na Merka hispano mas Brasil. Términonan relashoná ta "Amérika Hispániko", ku ta referí eksklusivamente na nashonnan di abla spañó, i e ibero-amérika mas amplio, ku ta inkluí tur pais ibériko den Amérika i de bes en kuando paisnan oropeo manera Spaña, Portugal i Andora. E término latinoamérika a wòrdu introdusí pa promé biaha na 1856 na un konferensia di Paris titulá, literalmente, Initiative of America: Idea for a Federal Congress of the Republics (Inisiativa di Amérika. Idea di un Kongreso Federal di e Repúblikanan).