Informashon di Wikipedia.

• 
  Irlanda, ofisialmente Repúblika di Irlanda (na irlandes: Poblacht na hÉireann; na ingles: Republic of Ireland) ta un pais den nortwest di Oropa. E estado moderno soberano ta okupá aproksimadamente 80% di e isla di Irlanda, ku a wòrdu parti bou di dos mandato na 1921. E ta un demokrasia parlamentario i un repúblika i tin frontera ku Nort Irlanda na parti nortost, ku Reino Uni un parti, i e restu ta frontera ku Laman Atlántiko i Laman di Irlanda un parti, St George's Channel na sùitost i Laman Keltiko pasùit. E estado, originalmente yama e Estado Liber di Irlanda, a wòrdu establesé na 1922, komo un dominio ku e Mankomunidat britaniko, i a keda haña mas i mas independensia dor di e statuut di Westminster i e krisis di abdikashon di 1936. Un konstitushon nobo a keda introdusí na 1937 ku a deklará un estado soberano i a kambia e nòmber pa simplemente Irlanda. Na 1949, e delaster link formal ku Reina Uni a kibra ora Irlanda a deklará su mes Repúblika di Irlanda i e la stop di bira un dominion: tambe el a bandona e Mankomunidat britániko, komo ya kaba el a stop di partisipa den su organisashonnan. Durante e mandato britaniko i independensia inisial Irlanda tabata un di e paisnan mas pober na West Oropa i tabatin un grado di emigrashon masha haltu, pero kontrali na otro paisnan di e tempu ei el a keda finansieramente sin debe dor di tiki gastamentu di gobièrnu. E ekonomia protekshonista, i a habri den final di añanan 1950 i Irlanda a djoin e Komunidat Ekonómiko Oropeo (aworaki yama Union Oropeo) na 1973. Un krisis ekonómiko a pone Irlanda pa kuminsa ku un reformashon ekonomiko na añanan 1980. Irlanda a redusíí su impuesto i regulashon dramátikamente kompara ku otro paisnan di Union Oropeo. Den rango e ta e di 31 ekonomia mas poderoso na mundu, pa 2006 Irlanda tabata tin e di seis produkto domestiko bruto pa kapita i e di ocho mas haltu pa kapita konsiderando kumprando e partido di poder, i e tin e di sinku mas haltu na Human Development Index na mundu, i ta keda promé na kalidat di bida segun "Economist Intelligence". Irlanda a keda den rango e di 6 riba de Index global di pas. Tambe e ta keda haltu pa su enseñansa, libertat polítiko i derechonan sivil, liberdat di prensa i libertat ekonómiko; tambe el a keda di 5 na e failed state index siendo un di e estadonan mas sostenibel na mundu. Irlanda ta miembro di Union Oropeo, OECD i Nashonnan Uni.